Zaate Hermenie Zaat = Zaat is eigelik al in 1991 ontsjtaon. Monique en Madelon kwame op 't idee ôm ein zaate hermenie op te richte. Monique waar toen noch eigenaresse van kefee de Beerboetiek. De Beerboetiek haaj toen auch eine sjpaarkas met de orsjinele naam "de Sjortbak". In deze sjpaarkas waore inkele miense bereit ôm zich te gaon sjtorte op ein musikale toekoms. Neemes kós ein noot sjpele maar det waas neet zo belangriek, es veer maar plezeer hadde en det hadde veer auch. En zo gebeurde 't: in 1992 tiedes de vastelaovend is Zaat = Zaat gebaore.

Monique sjpeelt nog sjteets mit. Verder zeen Nino, Lambert en Harrie auch vanaaf 't begin d'r biej. Madelon is sins inkele jaore lid boete deens.

D'r zeen sjteets musikante weggegaon maar veer hôbbe d'r auch sjteets weer nuuje gevonje en jewaal heur, veer kinne noe neut sjpele!!! In de jaore 1997-1998 waar ôs toeshonk veurmalig kefee Sjöd In. Vanaaf 1999 zjwerfe veer van kroeg tot kroeg maar kefee Braam is ôs begin- en eindpunt gewaore. Doe sjtarte veer de vastelaovend en dao eindige veer auch op vastelaovesdinsdaag.

Op het moment besjteit Zaat = Zaat oet 19 musikante!! De jongste telg is Wendy, 15 jaor aad en ôs aajste lid en teves auch besjermheer is Frits, 58 jaor. De meiste musikante zeen teves lid van Fanfare Sint Cornelius. biej de meiste bekind als Fanfare 't Ketoene Dörp. Veer hôbbe ein gevarieerd repetoire en veer repetere vanaaf de maond september toet de vastelaovend elke zondaag!!! Fanatiek of neet?

De musikante van vastelaovensjaar 2009 zeen:
Amanda, Jan, Joke, Lambert, Tom, Maurice, Patrick, Monique, Felix, Wendy, Angela, Xander, Sjoerd, Frits, Harrie, Vivian, Esther, Jack, Natascha
Veer hôbbe nog sjteets veul lol en plezeer.
Sjoone Vastelaovend, Alaaf!